រដ្ឋបាលខេត្តកែប
KEP ADMINISTRATIONផ្លូវបេតុងអាមេ ០១ខ្សែ ស្ថិតនៅភូមិអំពេង ឃុំអង្កោល ស្រុកដំណាក់ចង្អើរ ខេត្តកែប ត្រូវបានរៀបចំពិធីបើកការដ្ឋានសាងសង់ ក្រោមអធីបតីភាព ឯកឧត្តម សោម ពិសិដ្ឋ អភិបាលខេត្តកែប
ដោយកត្តាសន្តិភាព ទើបថ្នាក់ដឹកនាំខេត្ត មានឱកាសអភិវឌ្ឍន៍មូលដ្ឋាន ហើយជាក់ស្តែងផ្លូវ១ខ្សែនេះ គឺពិតជាបានផ្តល់នូវអត្ថប្រយោជន៍យ៉ាងខ្លាំង សម្រាប់បម្រើដល់ជីវភាពរស់នៅប្រចាំថ្ងៃរបស់បងប្អូនប្រជាពលរដ្ឋ។ ផ្លូវបេតុងអាមេ ០១ខ្សែនេះ គឺជាសមិទ្ធផលថ្មី១ទៀត ដែលបង្ហាញពីការគិតគូរសុខទុក្ខរបស់ប្រជាពលរដ្ឋនៅតាមមូលដ្ឋាន ពីសំណាក់ឯកឧត្តមអភិបាលខេត្ត សម្រាប់បម្រើដល់ការរស់នៅ របស់ប្រជាពលរដ្ឋ ក្នុងការធ្វើចរាចរណ៍ទៅមក ដើម្បីចូលរួមអនុវត្តន៍នយោបាយកាត់បន្ថយភាពក្រីក្ររបស់រាជរដ្ឋាភិបាលផងដែរ ផ្លូវថ្នល់គឺជាសរសៃឈាមសេដ្ឋកិច្ចយ៉ាងសំខាន់ បើមានផ្លូវ គឺយើងបានធ្វើឱ្យសេដ្ឋកិច្ច ជីវភាពរស់នៅរបស់ប្រជាពលរដ្ឋកាន់តែប្រសើរឡើង។
ក្នុងឱកាសនោះ ឯកឧត្តម សោម ពិសិដ្ឋ អភិបាលខេត្ត ក៏បានផ្តាំផ្ញើរដល់បងប្អូនប្រជាពលរដ្ឋដែលប្រើប្រាស់ផ្លូវនេះទាំងអស់ មេត្តាផ្តល់កិច្ចសហការ និងសម្របសម្រួលនូវផលប៉ះពាល់នានា ក្នុងការស្ថាបនាផ្លូវនេះឱ្យបានឆាប់រហ័សទៅតាមផែនការគ្រោងទុក ព្រមទាំងចូលរួមជួយថែរក្សា ដើម្បីធានាឱ្យការប្រើប្រាស់បានយូរអង្វែង និងបានណែនាំដល់គ្រប់ក្រុមហ៊ុនដែលទទួលបានសិទ្ធស្ថាបនាផ្លូវ០១ខ្សែនេះ ត្រូវខិតខំស្ថាបនាឲ្យទាន់តាមពេលវេលាដែលបានកំណត់នៅក្នុងកិច្ចសន្យា ត្រឹមត្រូវតាមស្តង់ដារ និងប្រកបដោយគុណភាពភាពខ្ពស់ ។
ព័ត៌មានជាប់ទាក់ទង
ថ្ងៃពុធ, 24 ខែមីនា, 2021
ថ្ងៃចន្ទ, 7 ខែធ្នូ, 2020
ថ្ងៃចន្ទ, 21 ខែកញ្ញា, 2020
ថ្ងៃអាទិត្យ, 20 ខែកញ្ញា, 2020
ថ្ងៃសៅរ៍, 12 ខែកញ្ញា, 2020
ថ្ងៃសុក្រ, 11 ខែកញ្ញា, 2020
ថ្ងៃអង្គារ, 8 ខែកញ្ញា, 2020