ឯកឧត្តមអភិបាលខេត្តមានប្រសាសន៍ថា កែបជាខេត្តទេសចរណ៍មួយ ដ៏ល្បីល្បាញ បានទទួលជ័យលាភីជាច្រើនលើឆាតអន្តរជាតិ ក្នុងតំបន់ ដែលធ្វើអោយមហាជនទូទៅស្គាល់ និងចង់មកសម្រាកកំសាន្តនៅខេត្តកែបយើង។ ឯកឧត្តមបានបន្ថែមទៀតថា ទិន្នន័យបឋមភ្ញៀវជាតិ និងអន្តរជាតិមកកំសាន្តនៅខេត្តកែប មានចំនួនជាង ៤ម៉ឺននាក់ក្នុង១ថ្ងៃ។ សម្រាមជាបញ្ហាមួយដ៏សំខាន់ដែលយើងត្រូវយកចិត្តទុកដាក់ដើម្បីរក្សាអនាម័យជូនភ្ញៀវទេសចរណ៍អោយមានការពេញចិត្តពេញថ្លើម។
ក្នុងនោះឯកឧត្តមអភិបាលខេត្តបានបញ្ជាក់ផងដែរថា តំបន់ឆ្នេរកំសាន្តខេត្តកែបបានរៀបចំយ៉ាងស្អាត ប្រកបដោយអនាម័យ មានសុវត្តិភាព ដោយអនុវត្តន៍តាមប្រសាសន៍សម្តេចតេជោ និងតាមការណែនាំរបស់ក្រសួងសុខាភិបាលអំពីការពារជំងឺកូវីដ១៩ ។
បន្ទប់មកឯកឧត្តមអភិបាលខេត្ត និងលោកជំទាវ បានដឹកនាំមន្រ្តីរាជការ កងកម្លាំង យុវជនដើររើសសំរាម តាមទីរមនីយដ្ឋាន និងតំបន់សំខាន់ៗមួយចំនួន ។