មួយថ្ងៃពេញ នាថ្ងៃទី២៦ ខែកក្កដា ឆ្នាំ២០២០ ឯកឧត្តម សោម ពិសិដ្ឋអភិបាល នៃគណអភិបាលខេត្តកែប រួមដោយឯកឧត្តម លោកជំទាវក្រុមប្រឹក្សាខេត្ត លោក អ៊ុក ថាអភិបាលរងខេត្ត លោក លោកស្រីប្រធានមន្ទីរអង្គភាពជុំវិញខេត្ត ព្រមទាំងថ្នាក់ដឹកនាំស្រុកដំណាក់ចង្អេីរ អញ្ជើសំណេះសំណាល និងចែកបណ្ណសមធម៌ជួនប្រជាពលរដ្ឋក្រីក្រនៅឃុំអង្កោល និឃុំពងទឹក។
ថ្លែងក្នុងឱកាស អញ្ជើញផ្តល់ប័ណ្ណក្រីក្រ ជូនប្រជាពរដ្ឋ ក្នុងឃុំអង្កោល និងឃុំពង់ទឹក ស្រុកដំណាក់ចង្អេីរនេះ ឯកឧត្តមអភិបាលនៃគណៈអភិបាលខេត្ត មានប្រសាសន៍ថា គោលនយោបាយគាំពារសង្គម និងវិធានការជំនួយសង្គមរបស់រាជរដ្ឋាភិបាលសម្រាប់ប្រជាពលរដ្ឋក្រីក្រដែលមានបណ្ណក្រីក្រ ក្រុមប្រឹក្សាឃុំសង្កាត់ទូទាំងប្រទេស ត្រូវតែអនុវត្តតាមបច្ចេកទេសដែលផ្តល់ជូនដោយក្រសួងផែនការ ត្រូវកំណត់អត្តសញ្ញាកម្មគ្រួសារក្រីក្រតាមការស្នើសុំ និងធ្វើបច្ចុប្បន្នភាពប័ណ្ណសមធម៌ចាស់ ក្នុងឧបត្ថម្ភសាច់ប្រាក់អោយចំគោលដៅ សំដៅជួយសម្រួល ការលំបាក និងលើកកំពស់ជីវភាពរស់នៅរបស់ប្រជាពលរដ្ឋក្រីក្រ នៅតាមមូលដ្ឋាន ក្នុងអំលុងពេលជួបវិបត្តិជំងឺកូវីដ ១៩ នេះ។
ឯកឧត្តមបន្ថែមថា នេះគឺជាការគិតគូរ យកចិត្តទុកដាក់របស់ប្រមុខរាជរដ្ឋាភិបាល ក្រោមការដឹកនាំរបស់សម្តេចតេជោ នាយករដ្ឋមន្ត្រីនៃព្រះរាជាណាចក្រកម្ពុជា ដែលតែងតែនៅរួមសុខរួមទុក្ខជាបងប្អូនប្រជាពលរដ្ឋគ្រប់ពេលវេលា។
ជាមួយគ្នានេះឯកឧត្តមអភិបាលខេត្ត បានក្រើនរំលឹកដល់បងប្អូនទាំងអស់ត្រូវខិតខំប្របករបររកប្រាក់ចំណូលបន្ថែម ដូចជាការចិញ្ចឹមសត្វ ដាំដំណាំរួមផ្សំ និងការងារផ្សេងៗទៀត ដើម្បីទំនុកបំរុងជីវភាពគ្រួសារអោយបានល្អប្រសើរឡើង និងកុំភ្លេចការពារខ្លួឯង កុំអោយឆ្លងជំងឺផ្សេងៗ ពិសេសជំងឺកូវីត១៩ តាមរយៈការអនុវត្តអោយបានជាប់ជាប្រចាំ នូវវិធានការរក្សាអនាម័យ តាមការណែនាំរបស់ក្រសួងសុខាភិបាល ដូចអ្វីដែលក្រុមការងារគ្រប់ថ្នាក់ តែងតែចុះអប់រំផ្សព្វផ្សាយជាប្រចាំ។ក្រៅពីនេះសូមអោយបងប្អូន ចូលរួមក្នុចលនាភូមិ ឃុំមានសុវត្ថិភាព ដើម្បីរួមដៃគ្នាជាមួយអាជ្ញាធរ រក្សាភាពសុខក្សេមក្សាន្តនៅក្នុងមូលដ្ឋានរបស់យើង ត្រូវជៀសអោយឆ្ងាយ ពីល្បែងស៊ីសង អំពើអបាយមុខ និងអំពើល្មើសច្បាប់ផ្សេងៗ។
ក្នុងឱកាសនោះផងដែរ ឯកឧត្តមអភិបាលខេត្ត បានឧបត្ថម្ភសមាជិកក្រុមប្រឹក្សាឃុំទាំងពីរ ម្នាក់ចំនួន១០០,០០០៛មេភូមិ ១១នាក់ ក្នុងនោះម្នាក់ចំនួន ៥០,០០០៛ និងប្រជាពលរដ្ឋក្រីក្រចំនួន ៣៥គ្រួសារ ដែលទទួលបានប័ណ្ណក្រីក្រ ក្នុងមួយគ្រួសារ ទទួលបាន ថវិកា២០,០០០៛ ។
បន្ទាប់ពីសំណេះសណាល និងចែកប័ណ្ណក្រីក្រជូនប្រជាពលរដ្ឋរួច ឯត្តមអភិបាលខេត្ត បានអញ្ជើញទៅសួសុខទុក្ខ និងនាំយកថវិកាមួយចំនួន ជូនលោក ម៉ី ជី ប្រធានក្រុមប្រឹក្សាឃុំអង្កោល ដែលកំពុងមានជំងឺ សម្រាកព្យាបាលនៅផ្ទះផងដែរ ។
![](https://asset.cambodia.gov.kh/kep/2020/07/35839CAE-4F60-4196-B2DC-91863C1BDFC4-1024x683.jpeg)
![](https://asset.cambodia.gov.kh/kep/2020/07/5B86E6AE-D0BD-4113-A4D1-549F5946CB84-1024x682.jpeg)
![](https://asset.cambodia.gov.kh/kep/2020/07/C1928208-386C-45B2-8D1F-708CD6B8A692-1024x682.jpeg)
![](https://asset.cambodia.gov.kh/kep/2020/07/51A23290-D13E-4401-ACE3-0F21AF7628E9-1024x682.jpeg)
![](https://asset.cambodia.gov.kh/kep/2020/07/3EEEEA24-6A22-4373-A4FB-2E7BC21F0443-1024x683.jpeg)
![](https://asset.cambodia.gov.kh/kep/2020/07/C724830A-39FE-466C-B4CA-CBBA3CE59549-1024x683.jpeg)
![](https://asset.cambodia.gov.kh/kep/2020/07/5625CD36-0E9D-4A72-945E-1FC0E6420198-1-1024x683.jpeg)
![](https://asset.cambodia.gov.kh/kep/2020/07/A191BB8B-E1A7-41C4-B3A0-E9ED0E235AB3-1024x683.jpeg)
![](https://asset.cambodia.gov.kh/kep/2020/07/EAEED3A8-7107-4E46-A00A-E895B8635F30.jpeg)
![](https://asset.cambodia.gov.kh/kep/2020/07/65DD51C4-A8D5-4227-BE60-56FD3B2FD1B6-1024x683.jpeg)
![](https://asset.cambodia.gov.kh/kep/2020/07/0E1BAB8D-2192-4F4C-88C2-5D3E1ED5A24E.jpeg)
![](https://asset.cambodia.gov.kh/kep/2020/07/452CF9F1-780E-4390-9AB3-DB963F223E47.jpeg)