រដ្ឋបាលខេត្តកែប

KEP ADMINISTRATION

រដ្ឋបាលខេត្តកែប

KEP ADMINISTRATION

ព្រះរាជាណាចក្រកម្ពុជា
ជាតិ សាសនា ព្រះមហាក្សត្រ

លោកនិម្មាបនិក សុទ្ធ ពុទ្ធិម៉ានីន ត្រូវបានប្រកាសតែងតាំងប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែប

ដោយ Phok Sokhenចំនួនទស្សនា (312)

នៅព្រឹកថ្ងៃទី១៥ ខែមិថុនា ឆ្នាំ២០២០ រដ្ឋបាលខេត្តកែប បានរៀបចំពិធីប្រកាសតែងតាំងប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែបថ្មី ក្រោមអធិបតីភាព ឯកឧត្តម ឆាន់ សាផាន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ រួមជាមួយ ឯកឧត្តម សំ សារីន ប្រធានក្រុមប្រឹក្សាខេត្ត និងឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប និងមានការអញ្ជើញចូលរួមពីលោក លោកស្រីអភិបាលរងខេត្ត លោកឧត្តមសេនីយ៍ ស្នងការ មេបញ្ជាការកងកម្លាំងប្រដាប់អាវុធ លោក លោកស្រី ប្រធានមន្ទីរ អង្គភាព អភិបាលក្រុង ស្រុក មេឃុំ ចៅសង្កាត់ យុវជន ស.យ.ស.ស យុវជន ស.ស.យ.ក សរុបប្រមាណ ២០០នាក់។

ក្នុងសេចក្តីប្រកាសរបស់ក្រសួងដែនដី នគរូបនីយកម្ម និងសំណង់ លេខ១០១ ដនស/ប្រក/ប ចុះថ្ងៃទី០៨ ខែមិថុនា ឆ្នាំ២០២០ បានសម្រេចតែងតាំងលោក សុទ្ធ ពុទ្ធិម៉ានីន ជាប្រធានមន្ទីរប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែបថ្មីជំនួស លោក វ៉ៅ សុខា ដែលបានតែងតាំងជាអភិបាលរងខេត្តកែប។

តាមរយៈរបាយការណ៍សង្ខេបរបស់ លោក វ៉ៅ សុខា អតីតប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែប និងការប្តេជ្ញាចិត្តរបស់លោក សុទ្ធ ពុទ្ធិម៉ានីន ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកែបថ្មី ឯកឧត្តម សោម ពិសិដ្ឋ អភិបាល នៃគណៈអភិបាលខេត្តកែប ពិតជាមានសេចក្តីសង្ឃឹមយ៉ាងមុតមាំចំពោះការដឹកនាំ ការអនុវត្តន៍តួនាទីភារកិច្ច និងការផ្តល់សេវាទៅតាមជំនាញរបស់ខ្លួនរបស់ប្រធានមន្ទីរថ្មីប្រកបដោយប្រសិទ្ធភាពខ្ពស់។

ឯកឧត្តមអភិបាលខេត្ត ក៏បានដាក់គោលការណ៍ដឹកនាំមួយចំនួន ជូនលោកប្រធានរៀបចំដែនដីនគរូបនីយកម្មសំណង់ និងសុរិយោដីខេត្តថ្មី មួយចំនួនដូចជា ត្រូវពង្រឹងសាមគ្គីភាពផ្ទៃក្នុង ត្រូវមានកិច្ចសហការល្អជាមួយមន្ទីរ អង្គភាពជុំវិញខេត្ត និងអាជ្ញាធរគ្រប់លំដាប់ថ្នាក់ ត្រូវមានរបៀបរបបធ្វើការងារឱ្យបានត្រឹមត្រូវស្របតាមប្រកាស និងសេចក្ដីណែនាំដែលបានកំណត់ ត្រូវមានគំនិតផ្តួចផ្តើម និងស្រាវស្វែងយល់បន្ថែមអំពីច្បាប់ និងលិខិតបទដ្ឋានពាក់ព័ន្ធវិស័យសំណង់ និងដីធ្លី ដើម្បីពន្លឿនការផ្តល់សេវាជូនប្រជាពលរដ្ឋ ត្រូវយកចិត្តទុកដាក់កែលម្អសោភ័ណភាព អនាម័យបរិស្ថានទាំងក្នុង និងក្រៅបរិវេណមន្ទីរ និងនៅតាមមុខសញ្ញាដែលមន្ទីរទទួលខុសត្រូវ ត្រូវបន្តអនុវត្តការងារចុះបញ្ជីដីធ្លីមានលក្ខណៈជាប្រព័ន្ធឱ្យបានចប់រួចរាល់ តាមផែនការដែលបានកំណត់ ជាពិសេសត្រូវយកចិត្តទុកដាក់តាមដានត្រួតពិនិត្យលក្ខណៈបច្ចេកសំណង់ ស្ថាបត្យកម្មនានា ដែលបានអនុញ្ញាត និងសំណង់ដែលមិនមានការអនុញ្ញាត ស្របតាមច្បាប់ និងលិខិតបទដ្ឋានកំណត់។

ឯកឧត្តម ឆាន់ សាផាន រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ជា សុផារ៉ា ឧបនាយករដ្ឋមន្ត្រី រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានកោតសរសើរជាខ្លាំងចំពោះការីកចម្រើនពីមួយថ្ងៃទៅមួយថ្ងៃរបស់ខេត្តកែប ជាពិសេសវិស័យសំណង់។ ឯកឧត្តម ក៏ថ្លែងអំណរគុណផងដែរចំពោះខេត្តកែប ដែលបានយកចិត្តទុកដាក់ខិតខំផ្សព្វផ្សាយដល់មូលដ្ឋាននូវកិច្ចការពារអនាម័យ ការពារការរីករាលដាលនៃជំងឺកូវីដ១៩ លើសពីនេះរដ្ឋបាលខេត្តបានយកចិត្តទុកដាក់ព្យាបាលអ្នកជំងឺដែលឆ្លងមកពីក្រៅប្រទេស ដែលសម្រាកព្យាបាលនៅខេត្តកែបកន្លងមក ៕

បណ្ណាល័យព័ត៌មាន
សេវាពេញនិយម
សេវាថ្មីៗ
លេខអគ្គិភ័យមិនទាន់មាន
លេខសង្គ្រោះគ្រោះថ្នាក់ចរាចរណ៍មិនទាន់មាន
លេខទទួលព័ត៌មាន (ប៉ូលីស)មិនទាន់មាន
ព្យាករណ៍អាកាសធាតុ
KEP WEATHER
ព័ត៌មានជាប់ទាក់ទង

អាសយដ្ឋាន : ភូមិកែប, សង្កាត់កែប, ក្រុងកែប, ខេត្តកែប, ព្រះរាជាណាចក្រកម្ពុជា

ទូរស័ព្ទ : +(៨៥៥) ១១ ៣៤៥ ៦០១ / ៩៦ ៣៤ ៨២ ១៦៨

អុីម៉ែល : info@kep.gov.kh

គេហទំព័រ : www.kep.gov.kh

© 2020

រក្សាសិទ្ធិគ្រប់យ៉ាងដោយ៖ រដ្ឋបាលខេត្តកែប

កែប្រែចុងក្រោយ : 6 ថ្ងៃមុន